Nëse ne kemi fatin t’i lexojmë sa herë duam, autorët e mëdhenj i kanë nxjerrë në dritë kryeveprat, pikërisht në kohë të vështira deri edhe absurde, transmeton Konica.al
Shkrimtarë, si: Shekspiri, Çehovi, apo Pushkini, në kohë të ngjashme me izolimin që po përjetojmë sot, i dhuruan lexuesit kryeveprat e letërsisë botërore.
Qendra Kombëtare e Librit dhe Leximit në Tiranë, fton autorët shqiptarë në një konkurs për krijimtarinë më të mirë, nën titullin “Libri i karantinës”.
Gjinia në konkurrim, është në prozë dhe afati i fundit për të dorëzuar dorëshkrimin, është 15 maji.
Fituesi, do të jetë vetëm një. Do të gjykohet nga një juri profesionistësh, ndërsa Qendra Kombëtare e Librit dhe Leximit, do t’i mundësojë botimin.