Në Suharekë asnjë person nuk është arrestuar që nga e hëna e deri më sot, për shkelje të masave të Qeverisë së Kosovës për kufizim të lëvizjes apo mbylljen e bizneseve.
Këtë gjë, për “Betimi për Drejtësi”, e ka bërë të ditur zyrtari për informim i Policisë së Kosovës për rajonin e Prizrenit, Shaban Osmanollaj.
“Të hënën, të martën dhe sot deri në këtë moment, nuk kemi pasur ndonjë arrestim në Komunën e Suharekës, si rrjedhojë e mosrespektimit të këtij vendimi” ka thënë ai.
Osmanollaj ka bërë të ditur se arrestime për shkelje të masave ka pasur gjatë vikendit, ku i dyshuari është dërguar në mbajtje dhe po zhvillohen procedurat e mëtutjeshme.
Në po të njëjtën ditë, ai tha se ka ndodhur edhe një dhunë në familje, ku i dyshuari pas intervistimit është dërguar në mbajtje. /BetimipërDrejtësi