Shkruan: Sahit F. Osmani
Hapini rrugën mos i pengoni
le të jenë të nginjur të gjithë
të hanë e të pinë gjersa të ngopen
të shuajnë etjen dhe urinë
Të gjithë janë të njëjtë dhe të barabartë
vetëm në rrugën e historisë ndryshojnë
dikush digjet në zjarrin e luftës
dikush përpëlitet në zjarrin e paqes
Hapini rrugën mos i pengoni
deri sa të ngopen plotësisht
ata vetë do të ulen në karriget
e posterënëve
nga pesha e tepërt do të rrëzohen.