Gjatë ditës së sotme kryetari i Rahovecit Smajl Latifi ka pritur në një takim drejtuesin e Fondacionit “Labinot Tahiri” Labinot Tahiri i cili ka sjellë një donacion me 100 pako ushqimore-higjienike për familjet me asistencë sociale në këtë komunë.
Përzgjedhja e familjeve me nevojë sociale do të bëhet nga Qendra për Punë Sociale në Rahovec.
Latifi e ka falënderuar Labinot Tahirin që iu ka dalë në ndihmë familjeve në nevojë dhe ka kontribuar në zbutjen e gjendjes së vështirë socio-ekonomike në këto ditë jo të lehta përballë pandemisë Covid-19.
Komuna e Rahovecit ka pranuar sot edhe një donacion prej 200 pakosh ushqimore me artikuj themelorë dhe 200 thasë miell nga Afrim Kasapi i cili jeton dhe punon në Zvicërr.
“Përkrahja, solidariteti dhe humanizmi i bashkatdhetarëve tanë nuk na ka munguar asnjë moment në tejkalimin e kësaj sfide, prandaj falënderoj sinqerisht Afrim Kasapin nga Rahoveci për donacionin e dhënë. Falemnderit të gjithë bëmirësve për kontributin e jashtëzakonshëm dhënë familjeve në nevojë”, ka thënë i pari i Rahovecit Smajl Latifi.
