Zafir Berisha do ta përcaktojë se kush do ta udhëheq Prizrenin: Ramadan Muja apo Eqrem Kryeziu. Ai ka arritur të marrë të dielën 13 përqind të votave, duke u bërë kështu njeriu që do ta përcaktoj Kryetarin e kësaj komune.
Zafir Berisha, kandidati i Bashkimit Demokratik, ende nuk e di se cilën parti do ta mbështesë, PDK-në apo LDK-në.
Thot se është shumë herët të vendosë për këtë punë.
Por, sqaron se pasi të dalin rezultatet finale dhe pasi të merret vesh se sa ulëse në Kuvendin Komunal i ka siguruar partia, ai me bashkëpartiakët do të mblidhen e të kuvendojnë për këtë çështje. Do të vendosin se a do ta përkrahin Ramadan Mujën e PDK-së apo Eqrem Kryeziun e LDK-së, të cilët sipas rezultateve të deritashme do të shkojnë në balotazh për ta marrë Prizrenin.
“Është herët të flasë për këtë edhe nuk e di se a do të duhet që pas këtij procesi jo fer dhe ku rezultatet nuj janë pasqyrë e vërtetë e vullnetit qytetarë që unë ta mbështes dikë”, ka thënë Berisha vetëm një ditë pas zgjedhjeve për Express.
Por si do që të jetë, sqaron se është shumë herët për të fol se kë do ta mbështesë e kë jo.
“Se a mbështesim dikë apo nuk e mbështesim askënd do të vendosim pasi të mblidhemi e të flasim me partinë”.
Megjithëse thotë se prej dy të këqijave të mëdha, i bie qe ai dhe partia ta mbështesë të keqën më të vogël.
Pavarësisht se nuk e kemi diskutuar këtë. A ja vlen ta mbështesim ndonjërin prej atyre që kanë shkuar në balotazh, do të vendoset pasi ta mbledhim këshillin e partisë”, ka sqaruar Berisha.
E gjithëçka sipas tij do të kuptohet pasi të certifikohen rezultatet dhe të merret vesh se kush, ku është. Të dilën Berisha ka marrë mbështetjen e 12,49 përqind qytetarëve të Prizrenit. Me këtë përqindje ai shpreson se ka siguruar afër gjashtë ulëse në Kuvendin Komunal.