Shërbimi Korrektues i Kosovës ka njoftuar se ka arritur të parandalojë futjen e substancave narkotike në Qendrën e Paraburgimit në Prizren të mërkurën në mesditë.
Duke mos dhënë detaje, apo se kush ka tentuar të fusë substancën narkotike në burg, SHKK-ja ka njoftuar seoficerët korrektues kanë gjetur substancat narkotike të fshehur në atlete, gjatë kontrollit të rrobave.
“Sot, rreth orës 15:00h në Qendrën e Paraburgimit në Prizren pas një informacioni konfidencial nga Njësiti i Inteligjencës së SHKK-së, përmes rrugëve operative, oficerët korrektues kanë arritur të parandalojnë futjen e substancave narkotike në QP Prizren. Me të pranuar informacionin, oficerët korrektues gjatë kontrollit të rrobave me saktësisht të patikave (atleteve) kanë gjetur një sasi të dyshimtë narkotike, e cila ishte e improvizuar në mënyrë të sofistikuar. Lidhur me këtë rast, oficerët korrektues kanë lokalizuar substancën e dyshuar narkotike dhe menjëherë kanë njoftuar Njësitin Antidrogë të Policisë së Kosovës”, thuhet në njoftim.
