Policia e Maqedonisë ka filluar me gjoba për qytetarët, të cilët në vendet publike nuk mbajnë maska.
Në një fletëpagesë për kundërvajtje e publikuar nga Alsat, shihet se policia ka nisur me masat represive për qytetarët, të cilët nuk i mbajnë masat.
Më herët nga MPB njoftuan se që prej përhapjes së pandemisë së coronavirusit, kanë dhënë mbi 4 mijë vërejtje për qytetarët të cilët nuk kanë mbajtur maska.
Gjoba për mosmbajtjen e maskave kap vlerën e 20 eurove.
Mbajtja e maskës është e detyrueshme në vendet e mbyllura, si dhe në vendet e hapura ku nuk ka mundësi të ruhet distanca e sigurt fizike.
