Nisma Socialdemokrate në Prizren, u ka uruar të gjithë qytetarëve festat e Qershorit, 142 vjetorin e Lidhjes Shqiptare të Prizrenit dhe 21 vjetorin e çlirimit.
“Lidhja Shqiptare e Prizrenit, ishte dhe mbetet simbol i bashkimit kombëtarë dhe gurthemel i shtetësisë shqiptare”, thuhet në urimin e Nismës në Prizren.
“Epoka e Lidhjes së Prizrenit është njëra ndër periudhat më të lavdishme dhe më të ndritura të historisë së kombit tonë. Ajo do të mbetet në kujtesën e popullit tonë si simbol i bashkimit kombëtarë dhe gurthemel i shtetësisë shqiptare”.
“Pra, Lidhja e Prizrenit ishte ngjarja më kulmore e popullit shqiptar për pavarësi, e cila vazhdoi më pas me Luftën e Lavdishme të Ushtrisë Çlirimtare të Kosovës, që përfundimisht rezultoi me triumfin e shqiptarëve dhe kapitullimin përfundimtarë të armikut shekullorë.
“12 Qershori i vitit 1999 është dita më e madhe, më e lumtur dhe e paharruar. Marshimi i Ushtrisë Çlirimtare të Kosovës dhe trupave të NATO-s rrugëve të Prizrenit dhe të Kosovës duke i sjellë popullit të Kosovës lirinë e ëndërruar ndër shekuj, shënoi gëzimin më të papërshkruar me fjalë të qytetarëve, të cilin e përshkroi në mënyrën më besnike blici i aparatit dhe syri i kamerave televizive”.