Simone Inzaghi është në krye të Lazio që prej vitit 2016 dhe pritet që të nënshkruajë një tjetër kontratë të re, që do e mbajë atë në kryeqytetin e Italisë deri në verën e vitit 2023. Sipas asaj që shkruan “Il Messagero”, Claudio Lotito po punon për detajet e kontratës së re.
Raportohet se paga e Inzaghit në kontratën e re do të jetë 2.5 milion euro në sezon, ndërkohë që në rast se Lazio fiton titullin kampion këtë sezon, atëherë do të përfitojë 3 milion euro. Kjo do të jetë një nga klauzolat e kontratës së re dhe mendohet se ka mbetur vetëm zyrtarizimi i marrëveshjes.
Inzaghi ka bërë një punë të mirë deri më tani në krye të Lazio dhe drejtuesit e klubit po mundohen të mos e humbasin atë, pasi ofertat nuk është se i kanë munguar. Skuadra kryeqytetase po tenton të fitojë titullin kampion dhe ka vetëm një pikë më pak se Juventusi kryesues.