Në Komunën e Rahovecit dje janë paraqitur nëntë raste të reja me coronavirus.
Drejtori i Shëndetësisë në Rahovec Samir Mustafa thotë për RTV Dukagjinin se infektimet e reja janë raste kontakti ndërsa sot në këtë komunë dy persona janë shëruar.
“Numri i rasteve aktive më coronavirus në Rahovec është 18, ndërsa 33 të shëruar kurse dy kanë përfunduar me fatalitet”, tha ai, përcjell Telegrafi.
Mustafa thotë se rezultatet e ditës së sotme janë për testimet e datës 13 qershor ndërsa sipas tij dje dhe sot në këtë komunë nuk ka pasur testime.
“Pos një pacienti që e ka gjendjen e rëndë të tjerët janë në gjendje të mirë shëndetësore”, ka deklaruar ndër të tjera Samir Mustafa./Telegrafi/