Në mesnatën midis të premtes dhe të shtunës, në Klinikën Gjinekologjike të qendrës spitalore të vendit, për herë të parë në Kosovë lindi një grua gjatë kohës së të qenit e infektuar me koronavirus.
Bëhet fjalë për një 30 vjecare nga Prizreni, e cila sa ishte shtatzënë në fëmijën e dytë ishte e konfirmuar me covid 19. Në këtë gjendje, ajo shkoi për trajtim në spitalin e Prizrenit, mirëpo për shkak të indikacioneve për lindje të parakohshme ajo u referua për në QKUK.
Lindja e foshnjës ndodhi në javën e 32 të shtatzënisë në një sallë të veçantë që kjo klinikë e ka dedikuar për të tilla raste, ashtu sikurse edhe dhomën e izolimit./KlanKosova