Në Prizren janë raportuar raste të dhunës në familje në 24 orët e fundit, sipas Policisë së Kosovës.
Në të dy rastet, burrat kanë rrahur bashkëshortet, transmeton PrizrenPress.
Në rrugën “Beteja e Koshares” në Prizren, një grua ka njoftuar se është ushtruar dhunë psikike në vazhdimësi nga bashkëshorti i saj. Me vendim të prokurorit rasti shkon në procedurë të rregullt.
Ndërsa në fshatin Novakë, një burrë është arrestuar pasi dyshohet se pas një mosmarrëveshje ka sulmuar bashkëshorten e tij. Viktima ka pranuar tretman mjekësor ndërsa i dyshuari me vendim të prokurorit dërgohet në mbajtje./PrizrenPress.com