Ylli i Liverpoolit, Mohamed Salah, e ka ndërruar stilin e tij të flokëve.
Ky ndryshim ka habitur tifozë të shumtë dhe ka shkaktuar reagime të shumta nga ana e tifozëve në rrjete sociale.
Salah e ka mbajtur të njëjtin stil të flokëve që nga kthimi i tij në Premierligë në vitin 2017 dhe ai stil i flokëve ishte bërë pjesë kyçe e imazhit të tij për tifozët.
Egjiptiani e shfrytëzoi llogarinë e tij në Instagram për ta publikuar një fotografi me stilin e ri të flokëve, që i la tifozët të befasuar.
28-vjeçari i ka shkurtuar dukshëm flokët anash dhe disa tifozë u shprehën të zhgënjyer me këtë ndryshim, duke shkruar se duan ta shohin sërish lojtarin e tyre të zemrës me stilin e tij “ikonik”.
