Kryeministri Avdullah Hoti thotë se Qeveria do ta mbështesë Telekomin dhe është duke u bërë plani për rimëkëmbjen e tij.
Nga shtëpia, kryeministri Hoti njofton se ka mbajtur takim virtual me bordin e Telekomit të Kosovës.
Hoti thotë se Qeveria, si aksionar, do ta mbështesë Telekomin.
Shkrimi i plotë i tij:
Qeveria do ta mbështesë Telekomin e Kosovës
Me ministrin e Ekonomisë dhe Ambientit, Blerim Kuçi, zhvilluam sot një takim virtual me anëtarët e Bordit të Telekomit të Kosovës, me të cilët biseduam për gjendjen e përgjithshme në këtë ndërmarrje.
Qeveria e Kosovës, si aksionar, do ta mbështesë këtë ndërmarrje publike me interes strategjik për vendin.
Po ashtu, shumë shpejt do të diskutohet plani për rimëkëmbjen e Telekomit, i cili është duke u përgatitur nga Bordi i kësaj ndërmarrjeje.