Sot kryetari i Komunës së Prizrenit, Mytaher Haskuka, ka pritur në takim ministrin e Ministrisë së Arsimit dhe Shkencës, Ramë Likaj, i shoqëruar nga ministri i Zhvillimit Rajonal, Enis Kervan.
Gjatë këtij takimi u bisedua për përgatitjet dhe skenarët për fillimin e vitit të ri shkollor 2020/2021.
Kryetari Haskuka njoftoi, ministrin Likaj se Komuna e Prizrenit përkrah variantin e mësimit të alternuar, pra mësimit në shkollë dhe mësimit në distancë përmes platformës dixhitale, në bazë të situatës pandemike.
Po ashtu gjatë takimit, ministri u njoftua për sfidat me të cilat po ballafaqohet Komuna për shkak të problemeve të paraqitura me zbatueshmërinë e udhëzimeve të ndryshme administrative, si dhe për rëndësinë e rritjes së nivelit të përfshirjes së komuniteteve në procesin arsimor.