Policia e Kosovës ka ndaluar gjashtë persona në Prizren, pasi që të njëjtit kanë vepruar në kundërshtim me masat e marra nga Ministria e Shëndetësisë e RKS-së kundër coronavirusit, raporton “PrizrenPress”.
Sipas raportit 24-orësh të Policisë, dy persona janë ndaluar në rrugën “Ali Hadri” rreth orës 03:30 dhe katër të tjerë në rrugën “Zahir Pajaziti” rreth orës 22:40.
Pas intervistimit me vendim të prokurorit të dyshuarit janë liruar në procedurë të rregullt.
Ndryshe, Qeveria e Kosovës ka marrë vendim në fund të muajit të kaluar që të ndalohet lëvizja e qytetarëve pas orës 22:30./PrizrenPress.com/