Skënder Susuri është rikthyer në Drejtorinë e Arsimit në Prizren.
Jo në postin që e ka pasur.
Ai është caktuar koordinator dhe mbikëqyrës i projekteve në këtë drejtori .
Kryetari i Prizrenit, Mytaher Haskuka tha se Susuri është dërguar në këtë post me vendim të tij.
“Susuri do të merret me koordinimin dhe mbikëqyrjen e projekteve të cilat i kemi me organizatat e shoqërisë civile”, tha Haskuka, shkruan “PrizrenPress”.
Skënder Susuri ka qenë drejtor i Arsimit në Prizren.
Ai, pati dhënë dorëheqje pas prishjes së raporteve me partinë e tij, Nismën Socialdemokrate./PrizrenPress.com/