Fondi i Kosovës për Efiçencë të Energjisë dhe Komuna e Malishevës, përkatësisht në mes Kryetarit të Komunës së Malishevës, Ragip Begaj dhe Drejtorit Menaxhues, Admir Shala në emër të FKEE-së nënshkruhet marrëveshje edhe për tri projekte në këto fusha infrastrukturore.
Palët bien dakord që të inciojnë implementimin e PKEE-së të përfituesve të projekteve për Komunën e Malishevës, si në, Shtëpinë e Kulturës, ‘Tahir Sinani’, ndriçimin publik në rrugën ‘Adem Jashari’ dhe Sallën e Sportit ‘Habib Zogaj’.
Kryetari i Komunës së Malishevës, Ragip Begaj me bashkëpunëtorët, drejtorin e Drejtorisë për Kulturë, Rini dhe Sport, Rexhep Mazreku, drejtorin e Drejtorisë së Shërbimeve Publike, Milazim Morinën dhe Zyrtarin, Fadil Shala, shprehen gatishmërin për bashkëpunim me përfaqësuesit e FKEE-së për projektet që përfitojnë qytetarët e Malishevës, si dhe falënderuan Asociacionin Ndërkombëtar për Zhvillim(IDA) dhe Programin për Partneritet të Bankës Botërore, pjesa e III për Evropën dhe Azinë Qendrore, që po i realizojnë projektet në komunën tonë.