Kryeministri i Kosovës, Avdullah Hoti ka kujtuar veprimtarin e Lëvizjes Kombëtare, At Shtjefën Gjeçovin, në 91 vjetorin e vrasjes së tij.
Përmes një postimi në Facebook, Hoti tha se populli shqiptar ndihet krenar për të kaluarën e pasur artistike e letrare që e la Gjeçovi.
“Në nderim të punës së tij të palodhshme për kombin shqiptar, me rastin e 91 vjetorit të vrasjes së tij, për herën e 49-të me radhë është mbajtur organizimi ‘Takimet e Gjeçovit’, në Zym të Hasit, për të mbledhur rreth vetes veprimtarë, artistë, krijues dhe mysafirë të shumtë nga mbarë trojet shqiptare”, shkroi Hoti.