Ronald Koeman nuk e ka ftuar yllin Lionel Messi dhe Frenke de Jong për ndeshjen e nesërme kundër Dynamo Kiev, në kuadër të Ligës së Kampionëve, transmeton Insporti.
Trajneri holandez ka vendosur t’i lë në pushim dy futbollistët, pas angazhimit të madh që patën deri në këtë pikë të sezonit.
“Ata duhet të pushojnë pak dhe pas paraqitjeve të mira që patën në Ligën e Kampionëve, është koha e mirë për ata të pushojnë”, shpjegoi Koeman.
Nga ora 21:00, Blaugranasit luajnë ndeshjen e katërt në grup në udhëtim te Dynamo Kiev.Barcelona është e para në grup me nëntë pikë pas tre ndeshjeve, dhe është vetëm një hap larg kualifikimit tutje në Ligën e Kampionëve. /Insporti/