Kandidati i LDK-së për kryetar të Prizrenit, Eqrem Kryeziu, ka akuzuar Ministrin e Administratës Publike, Mahir Jaggjillar, se në zgjedhjet e 3 nëntorit ka kërcënuar studentët me dëbim të studimeve nga Turqi, nëse nuk e votojnë kandidatin e PDK-së, Ramadan Mujën.
“Kam fakte se Mahir Jaggjillar i ka kërcënuar 600 studentë të Prizrenit, që studiojnë në Turqi, duke i’u thënë ose të votojnë për njeriun që është në proces gjyqësor ose Turqia do t’i dëbojë. Për këtë do të reagoj edhe në Ambasadën e Turqisë ”.
Kryeziu të dielën është takuar me strukturën e LDK-së në Prizren. Ai ka kërkuar mobilizim në zgjedhjet e 1 dhjetorit.
“Detyra jonë është që t’i sensibilizojmë qytetarët që të dalin në zgjedhje dhe me 1 dhjetor ta largojmë këtë tallje, që po u bëhet qytetarëve të Prizrenit”.
Ai tha se personalisht është jashtëzakonsiht i kënaqur me rezultatin e raundit të parë.
“Këtu në Prizren ka ndodhë ajo që nuk ka ndodhur në asnjë shtet të b Ballkanit. U bënë koalicone para tre nëntorit gjë që s’ka ndodhur në ansjë vend. Në Prizren ndodhi një investim 10 për qind politik dhe monetar për të fituar pa balotazh, por vullneti i njerëzve të Prizrenit e pengoi këtë”.
“Qeveritë e korruptuara kanë dëshirë që ta kenë popullin e varfër, por ëndrrat nuk blihen me para”./PrizrenPress.com/