Komandanti i FSK-së, gjenerallejtënant Kadri Kastrati, ka deklaruar se janë në përfundim të studimit të brendshëm që do t’i dorëzohet Qeverisë së Kosovës, e cila do të vendosë për të ardhmen e FSK-së.
“Jemi në fund të studimit dhe besoj që në fillimin e vitit të ardhshëm do të dalim me rekomandimin që do t’i dorëzojmë Qeverisë se çka duhet të bëhet me të ardhmen e FSK-së”, ka thënë Kastrati për RTK-në.
Sipas tij, ky vit është vit i suksesit për FSK-në, pasi që ka përmbushur të gjitha kapacitetet operacionale të cilat janë vlerësuar edhe nga NATO-ja. Kastrati ka thënë se në FSK janë duke u bërë analiza të thella se ku janë dhe se çka duhet të ndryshohet, që një ditë KFOR-i të largohet dhe FSK-ja të jetë ushtri.