Nënkryetari i Nëndegës së LDD-së në lagjen “28 Nëntori” në Prizren, Bekim Shabani,bashkë me anëtarët i është bashkangjitur Bashikimit Demokratik të zafir Berishës. Shabani në zgjedhjet e 3 nëntorit të këtij viti ka qenë kandidat i LDD-së-AAK-së për Asamblenë Komunale të Prizrenit.
“Duke parë vendosmërinë dhe guximin e liderit të Bashkimit Demokratik në proceset të cilat po kalojmë, ne aktivistët e LDD-së në lagjen “ 28 Nëntori”, kemi vendosur që t’i bashkohemi kësaj force politike e cila po shihet se është shpresa e vetme për perspektivën e qytetarëve të Prizrenit, forcë e cila tashmë në zgjedhjet e 3 nëntorit u dëshmua si subjekti më serioz dhe më i mbështetur nga qytetarët e Prizrenit”, tha Shabani.
Kryetari i BD-së Zafir Berisha tha ndërkaq se aderimi i Shabanit dhe anëtarëve të kësaj nëndege të LDD-së fuqizon Bashkimin Demokratik.
“Aderimi juaj dhe shumë qytetarëve tjerë që ditëve të fundit në mënyrë masive po i bashkohen Bashkimit Demokratik fuqizon përpjekjen tonë tashmë publike për ndryshim më 1 dhjetor dhe për këtë strukturat e BD-së dhe unë si kryetarë do të jem përgjegjës për besimin e madh që është gjithnjë e në rritje për vizionin tonë”. /PrizrenPress.com/