15 vjeçarja nga Prizreni, Gentiana Mustafa, e cila është raportuar si e zhdukur nuk është gjetur akoma.
Familjarët e saj i kanë thënë Klan Kosovës se janë akoma duke e kërkuar atë, derisa kanë bërë thirrje që të gjithë ata që kanë ndonjë informacion për të bijën e tyre t’i lajmërojnë.
Gentiana Mustafa nga Prizreni, që nga dita e premte, nuk ka asnjë komunikim me familjen.
Në mëngjesin e të premtes ajo u nis për në shkollë, por nga mësuesi u lajmërua se kishte një javë që nuk shkonte në shkollë.
Vetëm pas 24 orëve, 15 vjeçarja iu drejtua të ëmës me një mesazh ku i tha se është mirë dhe që të mos ta kërkojnë më.
Nënës iu tha se ka ikur me të dashurin e saj me dëshirë, por familja nuk ka informacion se ku gjendet vajza.
Baba i 15 vjeçares ka deklaruar se e kanë raportuar rastin edhe në polici, derisa këta të fundit janë duke u marrë me rastin.
Familjarët kanë kërkuar nga të gjithë ata që dinë diçka më shumë për vajzën e tyre t’i lajmërojnë në numrat e telefonit: 044 316 673 ose 044 191 743.