Pas eliminimit nga Kupa e Kosovës, Ponte Prizreni, ka vazhduar kontratat me katër prej basketbollistëve kryesorë këtë edicion.
Lajmi është bërë i ditur nga faqja zyrtare e klubit në rrjetin social “Facebook”.
Prizrenasit, për një vit kanë vazhduar kontratat me qendrën Urim Zenelaj, Qëndrim Ajazaj, Arti Hajdri dhe Blend Matoshi.
Në ekip janë promovuar edhe basketbollistët e rinj Leurit Morina, Ensar Muriqi, Jon Pirana, Endrit Shemsedini dhe Edison Krasniqi.
Prizreni është në pozitën e dytë në Superligën e Kosovës në basketboll me 32 pikë sa ka Ylli, që është në pozitën e parë.