Kandidatët për deputetë nga radhët e Nismës Socialdemokrate në Prizren u pritën nga banorët e lagjeve, “Vëllezërit Stavileci”, “Çamëria” dhe “Lidhja e Prizrenit”, të cilët kanë vendosur të rreshtohen përkrah çlirimtarëve.
Kandidati për deputet, Zafir Berisha, tha se Kosova është pranë një udhëkryqi ku qytetarët e saj duhet të bëjnë zgjedhjen më të mirë.
“Zgjedhjen më të mirë për qytetarët e Kosovës po e ofrojmë ne me kandidatë tonë për deputetë, të cilën do të jenë zë i fuqishëm i çlirimtarëve në Kuvendin e Kosovës”.
“Kauza jonë #MeÇlirimtarët çdo ditë e më shumë po përqafohet nga qytetarët e Kosovës, dhe kjo natyrisht është dëshmia më e mirë se zëri i çlirimtarëve do të vazhdojë të jetë pjesë e legjislaturës së ardhshme, zë i cili do të jetë vazhdimisht në mbrojtje të vlerave kombëtare”.
Kandidatët tjerë për deputet, Albulena Balaj Halimaj, Sabri Micaj, Shukrije Berisha, Fatmir Gërdellaj, Muhamet Shalaj, Afrim Tejeci, Veton Rexhaj dhe Leart Batusha, kërkuan nga të pranishmit që kështu të vazhdojnë deri më 14 Shkurt sepse Kosova ka nevojë për zërin çlirimtar, dhe jetësimin e kauzës së Nismës ne mund ta bëjnë vetëm ata të cilët i besojnë çlirimtarëve dhe besojnë në fitore.