Kryetari i PDK-së në Prizren, Shaqir Totaj ka komentuar përplasjen e kryetarit të Komunës, Mytaher Haskuka me kuvendarët e Lëvizjes Vetëvendosje.
Sipas tij, kjo përplasje tregon se Haskuka nuk ka pasur vizion për Prizrenin.
“Në vazhdimësi ne e kemi apostrofuar keqqeverisjen në Komunën e Prizrenit prej kur se në pushtet kanë ardhur VV & Myta”, shkruan Totaj.
“Ka qenë evidente që nga ditët e para mungesa e kapaciteteve qeverisëse dhe menaxhuese, dhe për pasojë është dëmtuar interesi i qytetarëve të Komunës së Prizrenit”.
“Kacafytjet mes asamblistëve te VV dhe Kryetarit vetëm sa qesin në shesh mungesën e një vizioni e programi qeverisës dhe gjithsesi mungesën e një lidershipi politik dhe institucional aq të nevojshëm për mirëvajtje të punëve në qeverisje ekzekutive”.
“Këtu nuk mund të ketë vetëm një fajtorë, por të gjitha palët e involvuara janë pjesë integrale e dështimit dhe e mashtrimit që ju bë qytetarëve në zgjedhjet lokale të vitit 2017 të cilët ndoshta jo pa të drejtë pritnin ndryshime”.
“Jam i sigurt se elektorati do të dijë të vlerësojë dhe të reagojë racionalisht në zgjedhjet lokale në tetor të vitit vijues”./PrizrenPress.com