Atë mbrëmje, Finnegan Lee Elder dhe Gabriel Christian Natale-Hjorth, të cilët ishin në kryeqytetin italian me pushime, po përpiqeshin të blinin kokainë në Trastevere. Një zonë e njohur për jetën e saj të natës.
Një ndërmjetës i çoi te një spaçator, i cili u shiti atyre aspirina. Në shenjë hakmarrjeje, ata rrëmbyen çantën e ndërmjetësit, e cila kishte brenda telefonin e tij celular, dhe ikën para se të kërkonin një shpërblim parash dhe kokainë në këmbim të çantës.
Një prokuror i Romës i ka thërritur në seancë të dy studentët amerikanë. Ata janë të akuzuar për vrasjen e një polici italian, akuzë me të cilën dënohen me burgim të përjetshëm.
Në aktakuzën e saj, prokurorja Maria Sabina Calabretta i tha një gjykate të shtunën se çifti, Finnegan Lee Elder, 21 vjeç dhe Gabriel Christian Natale-Hjorth, 19 vjeç, gjithashtu duhet të futen në izolim gjatë ditës.
Elder dhe Natale-Hjorth akuzohen për goditjen fatale me thikë të Mario Cerciello Rega në një rrugë në qendër të Romës në korrik të 2019.
Prokurorja Calabretta e përshkroi Cerciello Rega-n, i cili ishte 35 vjeç, si një “njeri të mirë” që u vra në një “sulm joproporcional dhe vdekjeprurës”.
Cerciello Rega u vra dhe Andrea Varriale, kolegu i tij, u plagos pasi oficerët, të dy me rroba civile, u përballën me Elder dhe Natale-Hjorth në sheshin Prati të Romës ndërsa përpiqeshin të hetonin një rrëmbim çante.
Ndërmjetësi ishte në gjendje të kontaktonte djemtë pasi i ra telefonit të tij dhe e rregulloi takimin në sheshin Prati. Por ai njëkohësisht kishte kontaktuar policinë pasi kishte raportuar vjedhjen, dhe kështu dy oficerët shkuan në vendin e ngjarjes.
Të pandehurit, të dy nga Kalifornia, thanë se i kishin ngatërruar oficerët për kriminelë të lidhur me ndërmjetësin.
Dyshja u arratis nga vendi i ngjarjes dhe të nesërmen u gjurmuan në një hotel, ku policia gjeti thikën luftarake 18 centimetër që ishte përdorur për të goditur Cerciello Rega 11 herë. Elder i tha policisë se ai e kishte sjellë thikën nga ShBA-ja në një valixhe.
Elder dhe Natale-Hjorth kanë qëndruar në një burg të Romës që nga arrestimi.
Në një deklaratë në gjykatë të hënën e kaluar, Elder tha se nuk e dinte që Cerciello Rega ishte një oficer policie, duke e gabuar me një shitës droge.
Albanianpost.com