Me këtë rast, kryetari Haskuka ka deklaruar se ky është vetëm një nga 19 objektet ku kanë përfunduar punimet, ndërsa renovimi i kulmeve të tri objekteve të tjera do të fillojë së shpejti dhe se aktualisht janë duke u bërë përgatitjet e nevojshme për renovimin e 12 kulmeve të tjera.
Në këtë mënyrë, kryetari Haskuka ka theksuar se deri në fund të vitit synojnë t’i renovojnë gjithsej 34 kulme me qëllim të përmirësimit të kushteve të banimit në banesat kolektive të Komunës së Prizrenit. Po ashtu, kryetari
Haskuka ka thënë se duke i rinovuar kulmet e objekteve të ndryshme në lagjet e Prizrenit, vetëm gjatë tre vjetëve të fundit i kanë përmirësuar kushtet e banimit të 800 banorëve në 160 njësi banesore.