I vetmi që ka mbetur nga grupi i humoristëve i njohur si “Treshi Përsheshi”, Sevdai Radogoshi, ka ndarë kujtimet për Rasim Thaçin – Cimën, i cili vdiq sot.
Radogoshi e ka quajtur të pabesueshëm lajmin, teksa është shprehur se nuk gjen fjalët për ta shprehur dhimbjen për humbjen e mikut të tij.
“Jeta yte ishte e mbushur vetëm me dashni dhe vepra të mira”, ka shkruar ai në Facebook.
Me paraqitjen e një fotoje të të dy aktorëve, Radogoshi ka shkruar “Lamtumirë mbreti i humorit”.
Më 2015 pati vdekur edhe Ibrahim Krajkova – Leci, njëri prej tre anëtarëve të “Treshi Përsheshit”.