Drejtori i gjimnazit “Gjon Buzuku” në Prizren, Jeronim Susuri, ka ndezur qiri mbi dollapin e profesorit tashmë të ndjerë, Besnik Krasniqi.
“Nuk u rehatova pa ardhur në gjimnaz edhe në këtë orë të natës, sepse nga sot kjo vatër e dijes është më e varfër”, shkruan Susuri në Facebook.
“E humbëm një njeri model e që rrallë gjen të tillë. Profesor i denjë, koleg i dashur, prind e familjar i jashtëzakonshëm, qytetar e përfaqësues aktiv në dobi të shoqërisë”.
“Kështu ishte profesori ynë Besnik Krasniqi. Në shenjë respekti për kontributin e dhënë ndeza një qiri mbi dollapin e tij të vjetër, por me shumë histori e plot jetë”.
“Lus kolegët që në fletoren që gjendet sipër dollapit të ndjerit të shënojnë kujtimin e tyre për të dashurin tonë”.
Profesor Besnik Krasniqi humbi betejën me Covid-19./PrizrenPress.com/