Ish-komandanti i UÇK-së, Zafir Berisha, ka kujtuar bashkëluftëtarin, Ekrem Rexha -‘Drini’, në 21 vjetorin e vrasjes.
Sipas tij, vrasje e “Drinit” nuk ishte humbje vetëm për familjen e tij.
“Vrasja e ‘Drinit” ishte humbje për Prizrenin, Kosovën dhe perspektiven evropiane të vendit tonë”, shkruan Berisha në Facebook.
“Në kulmin e luftës për liri nga UÇK-jë kundër okupatorit serbo-sllavë dhe argatëve të tyre, Ekrem Rexhaj-Drini iu përgjigj thirrjes së atdheut, duke iu bashkuar radhëve të UÇK-së në Vërri të Prizrenit nga mesi i korrikut të vitit 1998, me sugjerim të SH.P. UÇK-së, ku edhe ushtroi detyra shumë të rëndësishme në organizim dhe mobilizim të njësive të UÇK-së”.
“Ekrem Rexha-Drini gjatë luftës mori pjesë në shumë beteja për liri, ku ishte edhe i plagosur, por i pa nënshtruar, duke ushtruar shumë detyra të rëndësishme si komandant i Br-125 , i ZOP të UÇK-së, anëtar i SH.P- UÇK-së”.
“Në luftën titanike për lirinë e Kosovës u bënë shumë beteja dhe aksione kundër okupatorit serbë, deri më 12 qershor 1999 kur me ndihmën edhe të forcave të NATO-s ndodhi çlirimin i Prizrenit dhe Kosovës ku ‘Drini’ kishte rolë të veçantë për t’i dhënë fund sundimit sllavë në tokat tona”, shkruan Berisha/PrizrePress.com/