Shërbimit të Urgjencës së Komunës së Prizrenit, nga sot i janë shtuar edhe dy autoambulanca të reja, që i posedojnë të gjitha kushtet dhe pajisjet e standardeve më të larta për ofrimin e ndihmës së shpejtë në secilin cep të komunës së Prizrenit.
Me këtë rast kryetari i Komunës së Prizrenit Mytaher Haskuka deklaroi se që nga fillimi i qeverisjes së tij, pra për rreth 3 vite, Shërbimi i Urgjencës është furnizuar me 6 autoambulanca të reja, që e çojnë numrin total të tyre në 9.
Po ashtu kryetari Haskuka theksoi se do të vazhdojnë të punojnë maksimalisht për ofrimin e shërbimeve sa më të mira shëndetësore për qytetarët e Prizrenit, ndërkaq aktualisht janë duke punuar me Ministrinë e Shëndetësisë, për rritjen e numrit të stafit shëndetësor të shëndetësisë primare.
