Aty ekzekutivi u lavdërua për punë të mira, suksese, të arritura e para të kursyera nga buxheti i Kosovës gjatë kësaj kohe, derisa këtë periudhë e kanë quajtur si “kthesë drejt zhvillimit”.
Në këtë raport ku qeveria prezantoi punën e saj thuhet se në këto 100 ditë, kryeministri Albin Kurti mblodhi 18 herë ministrat e kabinetit të tij qeveritar me të cilët kanë marrë 144 vendime.
19 projektligje e katër koncept-dokumente janë miratuar gjatë kësaj periudhe kohore, thuhet në përmbledhjen e punës së Qeverisë Kurti 2.
Ky raport paraqet punën e Qeverisë gjatë periudhës 23 mars – 1 korrik 2021, e cila është votuar nga Kuvendi i Kosovës më 22 mars 2021.