Kur Argjentina të ndeshet me Brazilin në finalen e Copa America 2021 në Maracana të shtunën në mbrëmje, do të jetë një datë me fat për një njeri, Lionel Messi.
Ai do të kërkojë t’i japë fund pritjes së tij të mundimshme për të ngritur një trofe të madh me Argjentinën, duke e udhëhequr skuadrën e tij drejt fitores kundër rivalëve të tyre.
Nga tre finalet e Kupes së Amerikës që janë luajtur midis dy palëve, Brazili ka fituar të gjitha: në 1937, 2004 dhe 2007, shkruan Marca, transmeton Klankosova.tv
Në 107 ndeshje midis Brazilit dhe Argjentinës, Brazili ka fituar në 42 raste, ndërsa Argjentina ka fituar 40 herë, ndërsa 25 ndeshjet e tjera kanë përfunduar në barazim.
Në fakt, Argjentina nuk e ka mundur Brazilin në një ndeshje zyrtare që nga qershori 2005 në Buenos Aires, ishte nje lojë për kualifikime për Kupën e Botës ku argjentinasit arritën fitore 3-1.
Argjentina nuk ka fituar trofe që nga viti 1993, ku arritën ta fitonin Kupën e Amerikës, kurse tash Messi do të kërkojë t’i japë fund kësaj pritje 28 vjeçare.
Çfarë faze më të mirë për ta bërë atë sesa në Maracana kundër Brazilit.