Kryeministri i Kosovës, Albin Kurti, i është drejtuar qytetarëve nëpërmjet një videomesazhi, ku u ka bërë thirrje që të vaksinohen.
Ai ka treguar se sot në Kosovë pritet të vijnë edhe 53.200 vaksina antiCOVID, ndërsa ka thënë se do të gjashtëfishohet numri i inspektorëve.
“Sot do të gjashtëfishkohet numri i inspektorëve, duke shtuar edhe 85 tjerë. Njësitë përgjegjëse janë në terren. E kemi rritur numrin e shtretërve në mbi 1600. Oksigjenimi qendror është shtrirë në spitalet rajonale. E sot pritet të vijnë edhe 53.200 vaksina. Prandaj i dashur qytetarë merre vaksinën, mbaje maskën, distanën e higjienën. Bashkë ia dalim”, ka thënë Kurti në videon që është postuar në faqen e Qeverisë së Kosovës në Facebook.