Përfaqësuesja e Kosovës në futboll ka pësuar humbje në stadiumin “Fadil Vokrri” në miqësoren kundër Jordanisë (0-2).
Pavarësisht largimit të përzgjedhësit Bernard Challandes, futbollistët “dardanë” nuk o këndellen as në miqësoren ndaj një kundërshtar jo edhe aq të fortë. Kosova në këtë ndeshje u drejtua nga përzgjedhësi i përkohshëm Primozh Gliha.
Në minutën e 18-të, Faisal shënoi gol nga largësia i ndihmuar edhe nga një devijim i mbrojtësit Betim Fazlij. Kosova është mundur të rikthehet në lojë, por disa raste nuk u shfrytëzuan dhe pjesa e parë përfundoi me rezultat 0-1.
Në pjesën e dytë, Koova pati iniciativën dhe regjisori shumë raste shënimi, por Vedat Muriqi, Valon Berisha e Edon Zhegrova nuk i konkretizuan. Muriqi madje e goditi edhe shtyllën, por assesi futbollistët “dardanë” nuk patën mundësi të dërgojnë topin në rrjetën e portierit kundërshtar. Në anën tjetër, Dardour realizoi edhe golin e dytë pesë minuta para përfundimit të kohës së rregullt. Në minutat shtesë, Al-Raëabdeh u ndëshkua me karton të kuq.
Kosova të dielën e zhvillon ndeshjen e fundit kualifikuese për Kupën e Botës kundër Greqisë në Athinë.