Në Qendrën e Numërimit dhe Rezultateve ka filluar numërtimi i votave nga jashtë Kosovës për komunën e Dragashit, shkruan Gazeta Express.
Kjo është konfirmuar nga zëdhënësi i KQZ-së, Valmir Elezi në një konferencë për media.
“Ju njoftojë se gjatë periudhës të votimit përmes postës që ka filluar më 29 nëntor dhe është mbyllur më 3 dhjetor, KQZ ka pranuar 381 pako të supozuara me fletëvotime dhe gjatë procesit të vlerësimit brenda këtyre pakove rezulton se kanë qenë 696 zarfe të individualizuara me fletëvotime. Pas procesit të vlerësimit dhe verifikimit të tyre, 647 janë aprovuar dhe ato do të numërohen këtu në QNR. Janë refuzuar 49 zarfe për shkak se nuk i kanë plotësuar kriteret ligjore”, ka thënë ai.
Në garë për Dragashin është Behxhet Xheladini i LDK-së dhe Shaban Shabani i PDK-së. /Express/