Real Madrid-i është në krizë, sa i përket mungesave në klub.
Madrilenëve do t’iu mungojnë 11 futbollistë në ndeshjen e fundit të vitit, të cilën ata e zhvillojnë përballë Athletic Club në “San Mames”.
Gjatë javës së kaluar, në Madrid u konfirmuan shtatë raste pozitive me COVID-19.
Të mërkurën që shkoi, Modric dhe Marcelo ishin futbollistët e parë që për dhjetë ditë dolën nga dispozicioni i Ancelotti-t, për shkak të virusit.
Një ditë më vonë, pozitiv me COVID-19 rezultuan edhe pesë pjesëtarë tjerë.
Ata ishin Bale, Rodrygo, Asensio, Lunin dhe zëvendës trajneri Carlo Ancelotti.
Gjatë ditës së sotme, në stërvitje nuk ishin të pranishëm Isco Alarcon dhe David Alaba.
Më vonë, të dy rezultuan pozitiv dhe nuk do të jenë të gatshëm për ndeshjen e nesërme.
Me këto tetë mungesa, dy suspendime dhe një lendim – Real-i mund të formojë një 11-she të mungesave.
Ancelotti shpreson që ecurinë e 14 ndeshjeve radhazi pa humbje, ta shndërrojë në 15 në “San Mames”, duke mbyllur vitin në mënyrën më të mirë – ndonëse me skuadër të përgjysmuar.
/Albanianpost.com