Sulmuesi i Kombëtares së Kosovës, Vedat Muriqi do të largohet nga Lazio këtë merkato dimri. Ai ka arritur marrëveshje me skuadrën e Mallorca-s në La Liga.
Mungon vetëm zyrtarizimi, por 27-vjeçari do të kalojë së shpejti në Spanjë. Bisedimet mes klubeve u zgjaten vetëm për mënyrën e transferimit, gjë e zgjidhur tashmë.
Muriqi kalon te Mallorca në form huazimi deri në fund të sezonit. Klubi spanjoll nuk do të ketë detyrim blerje, por vetëm të drejtë. Një kusht primar ky i vendosur nga Mallorca.
Ylli dardan shikohet si njeriu që do të zgjidh problemet në sulmin e Mallorca-s edhe pse me Lazio-n ai nuk shënoi asnjë gol në 15 paraqitjet e këtij sezoni.
Në verën e 2020, Lazio pagoi rreth 20 milionë euro te Fenerbahce për transferimin e Muriqit. Por, ai nuk la gjurmë në “Olimpico” dhe tashmë po synon të arrijë të lërë në La Liga.
/Albanianpost.com