Portieri i kombëtares së Shqipërisë, Thomas Strakosha, ka gjasa të mëdha që sezonin e ardhshëm të jetë pjesë e klubit të Napolit.
Mediat në Itali raportojnë se Napoli është duke ndjekur situatën e Strakoshës, i cili në fund të sezonit do të mbetet një agjent i lirë, pasi që i skadon kontrata me klubin e Lazio-s.
Drejtuesit e klubit të Lazio-s i kanë ofruar rinovimin e kontratës gardianit kuqezi, por ai nuk duket i vendosur të qëndrojë në kryeqytetin italian.
Arsyeja është sepse ai tashmë ka humbur vendin e titullarit, me Alex Meret që preferohet më shumë nga trajneri Luciano Spalletti.
26-vjeçari ka të drejt qysh tani të futet në bisedime me skuadra tjera dhe Napoli po tenton ta bind atë që të bashkohet në verë si agjent lojtar i lirë.
Gjithsesi napolitanët nuk do ta kenë të lehtë nënshkrimin me shqiptarin, pasi që për Strakoshën ka interesime edhe nga klubet angleze.
Kujtojmë që Strakosha është pjesë e Lazio-s, që nga viti 2012 kur fillimisht ishte bashkuar me të rinjtë e këtij ekipi nga ekipi grek Panionios.
Ai deri më tani numëron 191 paraqitje në të gjitha garat me skuadrën e Lazio-s.
/Albanianpost.com