Ronela Hajati ka qenë prej muajsh në një turne për shkak të Eurovision 2022 dhe së fundmi në Torino të Italisë.
Ajo ka përfaqësuar Shqipërinë në Eurovisionin e këtij viti, ndërkohë që nuk ka arritur të kaloj në finale.
Pas gjithë angazhimeve që kishte, këngëtarja e njohur tregon se më në fund ka ateruar në Shqipëri, Tiranë.
Ronela Hajati (Foto: Instagram)
“Nuk e keni idenë sa kam qarë kur aterova në Tiranë sot… gjithsesi kam tre javë që qaj nga emocionet dhe tani gjithçka ka mbaruar. Kam marrë shumë dashuri nga shumë shtete dhe njerëz”, ka thënë ajo.
“Sekret” përndryshe mori reagime të shumta dhe u prit mirë pavarësisht që Hajati u kritikua në masë të madhe për paraqitjen e ekzagjeruar.
Ajo ka qenë një personazh tejet i diskutuar, e madje u tha se veshja ishte ajo që e penalizoi për në finalen e Eurovision.