Të hënën është ndarë nga jeta aktorja 73 vjeçare, Rebecca Balding.
Vdekja e saj është bërë e ditur pak ditë më vonë nga bashkëshorti i saj, aktori dhe regjisori James L Conway, në një deklaratë per revistën “People”.
71 vjeçari, Conway bëri të ditur se bashkëshortja e tij kishte shumë vite që luftonte me kancerin e vezoreve, derisa ndërroi jetë në shtëpinë e tyre në në Park City, Utah.
Ai gjithashtu kujton historinë se si dyshja u takuan më shumë se katër dekada më parë.
“Unë isha duke luajtur për filmin, ‘The Boogens’. Rebecca erdhi në audicion”, thotë ai. “Ne biseduam, ajo lexoi dhe kur u largova, unë iu drejtova producentit dhe bashkëpuntorëve të mi duke ju thënë se do të martohesha me këtë vajzë”.
Conway vazhdon rrëfimin duke treguar, “javën e parë të xhirimeve ne dolëm. Atë natë, të shtunën, ajo propozoi. Dhe katër javë më vonë, ndërsa ende po xhironim, ne u martuam. Sigurisht, askush nuk mendonte se do të zgjaste. Kjo ishte 41 vjet më parë”.
E lindur në shtator të vitit 1948 në Little Rock, AR, Balding studioi aktrim në Universitetin e Kansasit. Ajo e filloi karrierën e saj në skenën e Çikagos përpara se të transferohej në Hollywood, ku shkoi për të fituar në dhjetëra seriale televizive.
Roli i saj i parë i madh ishte Carol David, nëna e fëmijës së Jodie Dallas në serialin ‘Soap’, duke u shfaqur në 19 episode midis viteve 1978 dhe 1980.
Ajo gjithashtu luajti role në shfaqje televizive si ‘The Bionic Woman’, ‘The Tony Randall Show’, ‘Barnaby Jones’, ‘The Rockford Files’, ‘Starsky&Hutch’ dhe ‘Supertrain’.
Roli i saj i fundit ishte si Elise Rothman, në serialin Charmed, të cilin ajo e luajti nga sezoni i katërt deri në sezonin e fundit.
Përveç Conway, Balding ka lënë pas vajzat e saj, Sarah dhe Kathleen, dhe nipërit e saj.