Për ditë me radhë janë rikthyer pritjet në pikat kufitare të Kosovës.
Sipas Qendrës për Menaxhimin Kufitar të Kosovës sot pritjet më të gjata janë në dalje të Merdares dhe Dheut të Bardhë deri në një orë e gjysmë. Ndërsa pritjet për hyrje janë deri në pesë minuta.
Kolonat në Merdarë janë deri në 700 metra, ndërsa tek Dheu i Bardhë deri në 450.
Pritje jo të gjata për në dalje deri në dhjetë minuta ka edhe në Bërnjak, Jarinje, Mutivodë dhe Muçibab.
