Neymar ka shkaktuar një bujë të madhe me përgjigjen e tij ndaj një pyetjeje në lidhje me bashkëlojtarin te Paris Saint-Germain, Kylian Mbappe.
Braziliani startoi në fitoren 3-0 të Brazilit ndaj Ganës të premten, ku ylli i Spurs Richarlison shënoi dy herë dhe Marquinhos ishte gjithashtu në listën e realizatorëve.
Neymar regjistroi dy asistime në fitore, por gjëja kryesore rreth tij erdhi në intervistën pas ndeshjes.
Ish-superylli i Barcelonës pranoi një pyetje nga gazetarët, e që kishte të bënte rreth Mbappes, por Neymar nuk donte të përgjigjej.
Ai u pyet për marrëdhënien e tij me Mbappen, duke u përgjigjur: “Nuk e kuptoj” në anglisht.
Neymar më pas tha: “Me Kylian?”, para se të psherëtin dhe të shtojë: “Nuk e bëj” – duke u larguar nga mediat dhe duke mos elaboruar më tej.
Mungesa e komenteve nga Neymar vetëm sa do të intensifikojë thashethemet se nuk është gjithçka mirë mes dy yjeve kryesorë të PSG.
Pati raportime për një përçarje mes dy lojtarëve për një penallti në fitoren 5-2 ndaj Montpellier muajin e kaluar, me Neymar që refuzoi të linte Mbappe të bënte një goditje të dytë nga pika e bardhë.
Neymar i ka pëlqyer një sërë postimesh në mediat sociale kundër Mbappes pas konfrontimit të tyre dhe u pretendua se Sergio Ramos ndërhyri në dhomën e zhveshjes për t’i qetësuar gjërat.