Prokurorët financiarë të Francës, kanë nisur hetime ndaj presidentit francez Emannuel Macron, për lidhjet e tij me firmën amerikane të konsulencës McKinsey.
McKiney, është nën hetime prej disa kohësh mbi dyshimet se mund të ketë pasur përfitime të jashtëligjshme përmes aferave korruptive me tender publikë.
Sipas agjencisë së lajmeve, Le Parisien, prokurorët kanë ngritur dyshime se edhe vetë presidenti i Francës mund të ketë pasur dijeni për shkelje të ligjit nga ana e kësaj kompanie.
Dyshohet se Macron është financuar në mënyrë të paligjshme gjatë fushatave elektorale, si në vitin 2017 ashtu edhe në 2022.
Ndërkohë që nuk është konfirmuar se hetimi ka në shënjestër fushatën e Macron, u tha se një gjë e tillë po bëhej publike pas disa raportimeve.
Zyra e Macron ka njoftuar se e ka marrë parasysh hetimin, duke shtuar se prokurorët tani duhet të kryejnë punën e tyre “në të gjithë pavarësinë”.
Kompania e konsulencës McKinsey ka mohuar vazhdimisht çdo akuzë, ndërsa bëhet e ditur se hetues i kësaj çështjeje do të jetë edhe Serzh Turner, drejtues i hetimeve për financime të dyshimta për ish-presidentin Nikolas Sarkozi dhe për hetimet mbi punësime fiktive të familjarëve në administratë shtetëore nga ish-kryeministri Fronsua Fijo.