Komuna e Prizrenit ka njoftuar se sot është bërë përurimi i objektit të ri të shkollës fillore “Dy Dëshmorët” në fshatin Piranë, raporton PrizrenPress.
Njoftimi i plotë i Komunës:
Plani i Komunës së Prizrenit për arsimin mbetet modernizimi i tij përmes krijimit të një kulture të përbashkët qytetare dhe ofrimit të mundësive të barabarta për të gjithë, për arsim cilësor.
Kryetari Shaqir Totaj, i shoqëruar me zyrtarë të ekzekutivit, bënë përurimin e objektit të ri të Shkollës Fillore “Dy Dëshmorët” në fshatin Piranë, që do të shërbej për brezat e rinj për arsim në kushte dinjitoze dhe të mirëfillta për nxënësit e mësimdhënësit.
Arsimi është një prej prioriteteve kryesore të qeverisjes aktuale lokale në mënyrë që përparimi i qytetarëve tanë dhe i shoqërisë në përgjithësi të jetë i nivelit të lartë.
Edukimi është burim i zhvillimit në të gjitha dikasteret, të cilën gjë Komuna do ta bëjë në vazhdimësi, në bashkëpunim me gjithë pasurinë intelektuale që e ka Komuna e Prizrenit.
Urime dhe suksese!