Kryetari i Komunës së Prizrenit, Shaqir Totaj, ka pritur në takim sot Ambasadorin e Suedisë në Kosovë, Jonas Westerlund.
Sipas njoftimit të komunës, ata u zotuan për të bashkëpunuar më tutje për forcimin e lidhjeve ekonomike, duke i konfirmuar marrëdhëniet e shkëlqyeshme të të dyja shteteve, raporton PrizrenPress.
“Me këtë rast, u shpreh gatishmëri për zgjerimin e bashkëpunimit në të gjitha fushat me interes të ndërsjellë, veçanërisht, në fushën e zhvillimit të ekoturizmit si dhe diskutuan për lidhjen e bizneseve të përpunimit të drurit dhe mobileve të të dyja vendeve”, thuhet në njoftim.
Gjithashtu, kryetari Totaj dhe Westerlund, biseduan për mbështetjen e projekteve të kulturës, rinisë dhe sportit në Komunën e Prizrenit./ PrizrenPress.com