Vajzat dhe gratë e Lëvizjes Vetëvendosje Qendra në Prizren, të kryesuar nga kryetarja, Nora Fetoshi sot vizituan Qendrën Strehimore për Gra dhe Fëmijë ku dhe ndanë disa dhurata për fundvit.
Me këtë rast, kryetarja Fetoshi, duke e falënderuar drejtoreshën e qendrës Jubilea Kabashi për mirëpritjen, i shprehi përkrahje të vazhdueshme nga ana e GVV-së në Prizren.
Nga ana tjetër, drejtoresha e qendrës Jubilea Kabashi, e falënderoi kryetaren Fatoshi për përkrahjen e vazhdueshme të Qeverisë dhe në veçanti të Ministrisë së Drejtësisë duke ofruar grante për këtë strehimore.
Në fund, kryetarja Fetoshi dhe drejtoresha Kabashi, u dakorduan që të zhvillojnë takime më të shpeshta me qëllim të përforcimit të bashkëpunimit ndërmjet tyre./ PrizrenPress.com