36 mijë e 78 euro është shuma që ndau komuna e Shaqir Totajt, Prizreni, vetëm e vetëm që qyteti të duket sa më bukur për festat e fundvitit, raporton Gazeta Nacionale.
Prizrenasit dhe vizitorët e tjerë mund t’i shijojnë këto pamje vetëm deri më datën 15 janar 2023.
“Kostoja e projektit është 36,078.00 €. Kompania Multi Business Group SHPK, Prizren, e ka fituar tenderin për dekorimin e qytetit këtë vit. Rregullimi i projektit ka filluar me datë 6 dhjetor dhe ka përfunduar me datë 17 dhjetor, ndërsa elementet e vendosura do te rijnë deri në përfundim të festave deri me datë 15 Janar 2023”, ishte kjo përgjigja e Komunës së Prizrenit dhënë Nacionales.